कीर्तिपुरको होल्डिङ सेन्टरबाट एकजना पक्राउ

१५ असार काठमाडौं । सुकुम्वासी राखिएको होल्डिङ सेन्टरबाट एकजना पक्राउ परेका छन् । कीर्तिपुरको होल्डिङ सेन्टरबाट ३९ वर्षीय डम्बरबहादुर तामाङ पक्राउ परेका हुन् । जिल्ला प्रहरी परिसर काठमाडौंका एसपी तथा प्रवक्ता पवनकुमार भट्टराईले तामाङलाई आइतबार पक्राउ गरेको जानकारी दिए ।

सार्वजनिक शान्तिविरुद्धको कसुर गरेको आरोपमा उनी पक्राउ परेका हुन् । तामाङलाई थुनामा राखेर अनुसन्धान गर्न आज अदालतबाट म्याद थपका लागि उपस्थित गराउने तयारी प्रहरीको छ ।