कम्युनिष्ट पार्टी विदेशीको स्वार्थमा चल्दैन – अध्यक्ष नेपाल

१० असार काठमाडौं। नेकपा एकीकृत समाजवादीका अध्यक्ष माधवकुमार नेपालले कम्युनिष्ट पार्टी विदेशीको स्वार्थमा नचल्ने बताएका छन्। शुक्रबार पोलिटब्यूरो बैठकलाई सम्बोधन गर्दै अध्यक्ष नेपालले कम्युनिष्ट पार्टीले देशभक्तिलाई महत्व दिने र विदेशीसामु लम्पसार नपर्ने बताएका हुन्।

कम्युनिष्टले देशको हित र रक्षाका लागि लड्ने नेता नेपालको भनाइ छ। नीति बनाउँदा परिस्थितिको सही विश्लेषण भए सही निर्णय हुने पनि उनले बताए। पार्टी बलियो र सही नीतिमा अघि बढेमा सबै खाले चुनौतीको सामना गर्न सकिने उनले बताए।