जमिन देशको पैतृक सम्पत्ति हो, प्रचण्डलाई बाँड्दै हिँड्ने अधिकार छैन – अध्यक्ष ओली
१६ भदौ काठमाडौ । नेकपा एमालेका अध्यक्ष केपी शर्मा ओलीले यति, वाइडबडीलगायतका काण्डहरु एमालेसँग जोड्ने गरेको गरेपनि त्यसमा नेपाली कांग्रेस र नेकपा माओवादी केन्द्रका नेताहरुको संलग्नता रहेको दाबी गरेका छन् ।
शनिबार एमाले लुम्बिनी प्रदेशको प्रथम अधिवेशनलाई उद्धघाटन गर्दै पूर्व प्रधानमन्त्रीसमेत रहेका ओलीले प्रधानमन्त्री पुष्पकमल दाहाल प्रचण्डले आफ्नो भारत भ्रमणको बेलामा बंगलादेशको समुन्द्र प्रयोग गर्न नेपाली भूमि भारतलाई दिन सकिने अभिव्यक्ति दिएकोप्रति आपत्तिसमेत जनाएका छन् ।
ओलीले नेपाली भूमि छिमेकी देशलाई बाँढ्दै हिँड्ने अधिकार प्रधानमन्त्रीलाई नभएको बताए । उनले भने ‘अहिले जाने ले त के भन्छ् बंगलादेशसम्म जाने हो भने त्यो भूभाग छाडिदिन सकिन्छ। बंगलादेशसम्म जाने बाटो पहिला नै भारतले दिइसकेको छ, त्यो हामीले पाउने कुरा हो,। बंगलादेश जान बाटो नपाएको छ र हामीले? कुन बाटोका लागि तपाईं जमिन दिनुहुन्छ? पैतृक सम्पत्ति हो देशको जमिन। प्रचण्डलाई जमिन बाँड्ने अधिकार नेपाली जनताले दिएको छैन, नेपालको भूभाग अखण्ड छ। हाम्रो देशको एक ईन्च जमीन पनि कसैले टुक्रयाउन पाइँदैन।’
