सादा पोशाकका प्रहरी कान्तिपुर पब्लिकेसन्सको कार्यालयमा

८ जेठ काठमाडौं । कान्तिपुर पब्लिकेसन्सका अध्यक्ष कैलाश सिरोहियालाई पक्राउ पुर्जी जारी भएकै दिन प्रहरीको टोली कान्तिपुर दैनिकको केन्द्रीय कार्यालय पुगेको छ ।

अपराध महाशाखाबाट खटिएका प्रहरी कान्तिपुर गएका हुन् । अध्यक्ष सिरोहियाका छोरा तथा कान्तिपुरका सीईओ सम्भव सिरोहियाले प्रहरी अधिकारीसँग कुराकानी गरेका थिए ।

त्यसपछि एक प्रहरी अधिकारी कान्तिपुरको विल्डिङभित्र प्रवेश गरेका छन् । सिरोहियालाई पक्राउका लागि आएको हुन सक्ने आशंका गरिएको छ ।