सुनको मूल्य तोलामा १४ सय रुपैयाँले घट्यो

२३ साउन काठमाडौं । स्थानीय बजारमा सुनचाँदीको मूल्य घटेको छ । नेपाल सुनचाँदी व्यवसायी महासंघका अनुसार मंगलबारको तुलनामा आज सुनको मूल्य तोलामा एक हजार ४०० रुपैयाँले घटेको हो ।

छापावाल (२४ क्यारेट) सुन बुधबार प्रतितोला एक लाख ४६ हजार तीन सय रुपैयाँमा कारोबार भइरहेको छ । यस्तै, चाँदीको मूल्य पनि तोलामा १५ रुपैयाँले घटेको छ । बुधबार चाँदी प्रतितोला एक हजार ७१० रुपैयाँमा कारोबार भइरहेको महासंघले जनाएको छ ।