जबराले मुछेका पूर्वन्यायाधीश र कानुन व्यवसायीलाई समितिले बोलायो

२९ भदौ काठमाडौं । संसद्को महाअभियोग सिफारिस समितिले निलम्बित प्रधानन्याधीश चोलेन्द्रशम्शेर जबराले बयानका क्रममा नाम लिएका व्यक्तिहरुलाई छलफलका लागि बोलाउने निर्णय गरेको छ ।

बुधबार सिंहदरबारमा बसेको समितिको बैठकले बयानका क्रममा नाम आएका बारका पदाधिकारी, पूर्वन्यायाधीशलगायतलाई बिहीबार छलफलका लागि बोलाउने निर्णय गरेको समितिका प्रवक्ता लक्ष्मीप्रसाद गौतमले जानकारी दिए ।