सर्वदलीय बैठक बस्दै

७ पुस काठमाडौं । प्रतिनिधिसभाका नवनिर्वाचित सांसदहरूको शपथग्रहण अगाडि आज सर्वदलीय बैठक बस्दै छ । बैठक प्रतिनिधिसभाका ज्येष्ठ सदस्य पशुपतिशमशेर जबराको अध्यक्षतामा मध्याह्न १२ बजे बस्नेछ ।

नयाँ बानेश्वरस्थित अन्तर्राष्ट्रिय सम्मेलन केन्द्रको ल्होत्से हलमा सर्वदलीय बैठक बस्न लागेको हो । बैठकमा संसदमा प्रतिनिधित्व गर्ने १२ राजनीतिक दलबाट एक/एकजना प्रतिनिधि र पाँच स्वतन्त्र सांसदहरू सहभागी हुनेछन् ।