ललिता निवास प्रकरणमा काठमाडौं महानगरपालिकाका यी अधिकृतसहित ३ जना पक्राउ

१७ असार काठमाडौं । ललिता निवास प्रकरणमा काठमाडौं महानगरपालिकामा कार्यरत अधिकृतसहित तीन जना पक्राउ परेका छन् ।

केन्द्रीय अनुसन्धान ब्युरो (सीआईबी)ले काठमाडौं महानगरपालिकाका अधिकृत शिवजी भट्टराईसहित घमनकुमार कार्की र बाबुराजा महर्जनलाई नियन्त्रणमा लिएको हो । भट्टराई २०६० सालमा काठमाडौं महानगरपालिका– ४ का वडासचिव थिए । त्यस्तै कार्की २०६७ सालमा नापी कार्यालयमा थिए । महर्जन नक्कली मोही भएको बुझिएको छ ।