नेपालको अर्थतन्त्रमा एमसीसीले ठूलो योगदान दिन्छ – प्रधानमन्त्री प्रचण्ड
१७ असोज काठमाडौ। प्रधानमन्त्री पुष्पकमल दाहाल प्रचण्डले अमेरिकी सहयोग नियोग मिलेनियम च्यालेन्ज कर्पोरेसन (एमसीसी)को अनुदानमा नेपालमा कार्यान्वयन हुन लागेका परियोजनाले देशको अर्थतन्त्रमा ठूलो योगदान दिने बताएका छन् ।
एमसीसी कार्यान्वयन सेलिब्रेसन कार्यक्रमलाई बुधबार सम्बोधन गर्दै प्रधानमन्त्री प्रचण्डले एमसीसी कार्यान्वयनमा नेपालको बलियो प्रतिवद्धता रहेको समेत बताए । उनले यस परियोजनाबाट निर्माण हुने विकासका कामले देशको अर्थतन्त्रमा महत्वपूर्ण योगदान दिने बताए ।
उनले परियोजनाअन्तर्गत निर्माण हुने विद्युत् प्रसारणमा महत्वपूर्ण उपलब्धि हुने विश्वास व्यक्त गरे । त्यसले गुणस्तरीय ऊर्जा प्राप्त हुने उल्लेख गर्दै ऊर्जा व्यापारामा समेत यसको भूमिका महत्वपूर्ण हुने बताए ।
प्रधानमन्त्री प्रचण्डले नेपाल सन् २०२६ देखि विकाससिल मुलुकमा स्तरोन्नति हुने क्रममा रहेको र सन् २०३० मा मध्यम आय भएको मुलुकमा स्तरोन्नतिको चरणमा रहेको भन्दै उनले यस अवधिका अमेरिकाबाट थप सहयोगको अपेक्षा गरिएको बताए । नेपाल र अमेरिकाबीच रहेको सुमधर सम्बन्धको प्रतिबिम्ब आर्थिक साझेदारी पनि रहेको बताए ।
कार्यक्रममा अर्थमन्त्री डा. प्रकाशशरण महतले एमसीसीको अनुदान मात्र नभई यो परियोजनामा नेपालले पनि लगानी गर्ने भएकाले नेपालका लागि अझ महत्वपूर्ण भएको बताए । उनले ठेक्कामा बढी रकम कबोल गरिएको विषयमा एमसीए नेपालले समाधान गर्ने विश्वास व्यक्त गरे ।
