कोरोना संक्रमित भन्दा निको हुने धेरै हुदै

२८ जेठ काठमाडौं । आज २४ घण्टामा थप ३ हजार ७५० जनामा कोरोना भाइरस संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार ९ हजार ५९८ जनाको पीसीआर परीक्षण र ५ हजार ५८४ जनाको एन्टिजेन परीक्षणमा गरी थप ३ हजार ७५० जनामा संक्रमण पुष्टि भएको हो ।

पछिल्लो २४ घण्टामा कोरोना भाइरस संक्रमणका कारण ६७ जनाको मृत्यु भएको छ । आज ५ हजार २२५ जना संक्रमणमुक्त भएका छन् । हाल देशभर ७५ हजार २७५ जना सक्रिय संक्रमित छन ।