सेयर बजारमा उच्च गिरावट

७ असार काठमाडौं । सेयर बजार घट्ने क्रमले आज पनि निरन्तरता पाएको छ । गत सोमबार ३०२५.८३ अंकमा ऐतिहासिक उचाईमा पुगेर मंगलबारबाट घट्न सुरु भएको नेप्से त्यसयता लगातार घटिरहेको छ ।

यो सातको दोस्रो कारोबार दिन आज बजार परिसूचक नेप्से ७१.०६ अंकले घटेर २८३४.४१ अंकको बिन्दुमा झरेको छ ।

यो साताको पहिलो कारोबार दिन आइतबार ६३ अंकले गिरावट आएको नेप्सेमा आज पनि भारी गिरावट देखिएको छ । पछिल्लो ५ करोबार दिनमा नेप्सेमा १९१ अंकको गिरावट भएको छ ।