नेपालमा स्थितिमा उल्लेख्य सुधार भयो – भारत

४ असोज काठमाडौं । नेपालस्थित भारतीय दूतावासले भारतीय नागरिकहरूलाई नेपाल भ्रमण गर्दा सावधानी अपनाउन सल्लाह दिएको छ ।दूतावासले नेपालमा पछिल्लो एक हप्तामा स्थितिमा उल्लेख्य सुधार भएको उल्लेख गरे पनि यात्रीहरूलाई सतर्क रहन र सल्लाह तथा ‘अपडेट’हरूलाई पालना गर्न आग्रह गरेको छ ।

“नेपाल यात्रा गर्ने भारतीयहरूलाई उचित सावधानी अपनाउन र सल्लाहहरू पालना गर्न आग्रह गरिन्छ,” काठमाडौंस्थित दूतावासले भनेको छ । जेनजी नेतृत्वको प्रदर्शनहरूले प्रधानमन्त्री केपी शर्मा ओलीलाई राजीनामा दिन बाध्य पारेपछि राजनीतिक अशान्ति बढेको थियो ।