सुन–चाँदीको भाउमा भारी वृद्धि

१९ असार काठमाडौं । नेपाली बजारमा आज शुक्रबार सुन–चाँदीको भाउमा भारी वृद्धि भएको छ। नेपाल सुनचाँदी व्यवसायी महासंघका अनुसार आज सुनको भाउ तोलामा ७ हजार २ सय रुपैयाँले बढेको हो। यसँगै आज प्रतितोला सुन २ लाख ९० हजार ७ सय रुपैयाँ कायम भएको छ। हिजो सुन प्रतितोला २ लाख ८३ हजार ५ सय रुपैयाँमा किनबेच भएको थियो।

आज चाँदीको भाउ पनि बढेको छ । आज चाँदी तोलामा १६५ रुपैयाँले बढेको हो । यससँगै आज चाँदी ४ हजार ६१५ रुपैयाँ कायम भएको छ। हिजो चाँदी ४ हजार ४५० रुपैयाँमा कारोबार भएको थियो।