झ्याप्ले खोलाबाट काठमाडौँ भित्रिने सवारी मात्रै सञ्चालनमा

१४ असोज काठमाडौँ । धादिङको धुनिवेशी नगरपालिका वडा नम्बर–९ स्थित झ्याप्ले खोलाको पहिरो पन्छाएर सवारी सुचारु गरिएको छ । अहिले काठमाडौँ भित्रिने सवारीसाधन मात्र सञ्चालन गरिएको प्रहरी प्रभाग नागढुंगाका इन्स्पेक्टर हेम थपलियाले बताए ।

आइतबार साँझ साढे ७ बजेदेखि लामो सयमदेखि रोकिएका सवारी साधन काठमाडौँ प्रवेश गरिरहेका छन् । जामका काठमाडौँ बाहिरिने सवारी साधन नागढुंगामा रोकिएका छन् । जाम व्यवस्थापनका लागि काठमाडौँ बाहिर जानेलाई प्रहरीले रोकेको छ ।