बैंकहरुको औसत आधार दर ७.३२ प्रतिशत

१२ मंसिर काठमाडौं । वाणिज्य बैंकहरुको औसत आधार दर ७.३२ प्रतिशतमा झरेको छ । यसअघि २०८१ असारमा बैंकहरुको आधार दर औसतमा ८.८ प्रतिशत थियो । पाँचवटा वाणिज्य बैंकको आधार दर ७ प्रतिशत भन्दा तल छ ।स्ट्याण्डर्ड चार्टर्ड, नबिल, एभरेष्ट, राष्ट्रिय वाणिज्य र नेपाल बैंकको बेस रेट ७ प्रतिशत तल आएको हो । कात्तिक महिनामा स्टाण्डर्ड चार्टर्ड बैंकको आधार दर ५.७३ प्रतिशतमा आइपुगेकोमा मंसिरको आधार दर सार्वजनिक गरिएको छैन ।

मंसिर महिनामा आधार दर राष्ट्रिय वाणिज्य बैंकको ६.०१, नेपाल बैंकको ६.६२, एभरेष्टको ६.४९ र नबिल बैंकको ६.७६ प्रतिशत छ । एनआईसी एशिया र हिमालय बैंकको आधार दर ८ प्रतिशतमाथि छ । बाँकी सबैको आधार दर ८ प्रतिशतभन्दा तल छ ।