दल दर्ता गर्ने आज अन्तिम दिन

१० मंसीर काठमाडौं । प्रतिनिधिसभा निर्वाचन प्रयोजनका लागि दल दर्ताका लागि तोकिएको समय आज सकिँदै छ । आगामी फागुन २१ गते हुने प्रतिनिधिसभा निर्वाचन प्रयोजनका लागि दल दर्ताको समय आजसम्मका लागि तोकिएको छ ।

नेकपा (एमाले), नेपाली कांग्रेसलगायत प्रमुख दलहरूले निर्वाचन आयोगमा दल दर्ता गराइसकेका छन् । हिजो (मंगलबार) साँझसम्म ८० वटा राजनीतिक दल दर्ता भएको आयोगका प्रवक्ता नारायणप्रसाद भट्टराईले जानकारी दिए ।