सुनको मूल्य ४५ सयले घट्यो

१६ असार काठमाडौं । नेपाली बजारमा मंगलबार (असार १६) सुनको मूल्य घटेको छ । सुनको मूल्य तोलामा चार हजार ५०० रुपैयाँले घटेको नेपाल सुनचाँदी व्यवसायी महासंघले जनाएको छ । यस दिन छापावाल सुनको मूल्य तोलाको दुई लाख ७७ हजार ९०० रुपैयाँ कायम छ । सोमबार (असार १५) छापावाल सुन प्रतितोला दुई लाख ८२ हजार ४०० रुपैयाँमा किनबेच भएको थियो ।

चाँदीको मूल्य पनि तोलामा २५ रुपैयाँले घटेको छ । चाँदीको मूल्य तोलाको चार हजार २८५ रुपैयाँ तोकिएको महासंघले जनाएको छ । सोमबार चाँदी प्रतितोला चार हजार ३१० रुपैयाँमा कारोबार भएको थियो ।