मुख्यमन्त्री भट्टले पाए विश्वासको मत

२५ जेठ काठमाडौं ।आज सुदूरपश्चिम प्रदेशका मुख्यमन्त्री त्रिलोचन भट्टले विश्वासको मत प्राप्त गरेका छन् । मंगलबार बसेको प्रदेश सभा बैठकमा उनले ३० सांसदको समर्थन पाएका थिए ।

मुख्यमन्त्री भट्टको सरकारको पक्षमा सभाका ३० सां‌सदले मत दिएसँगै उनले विश्वासको मत प्राप्त गरेको सभामुख अर्जुनबहादुर थापाले घोषणा गरेका हुन् ।

भट्टको पक्षमा माओवादी केन्द्रका १३ जना र एमाले माधव समूहका १७ जनाले मत हालेका छन।मुख्यमन्त्री भट्टको पक्षमा ३० र विपक्षमा ९ मत खसेको छ ।