भारतले पाकिस्तानसँग सीमा समारोह पुनः सुरु गर्ने

६ जेठ अमृतसर । भारतले मंगलबार छिमेकी पाकिस्तानसँग दैनिक सीमा समारोह (बिटिङ रिट्रिट) पुनः सुरु गर्ने बताएको छ । भारतले केही हप्ताअघि समयका लागि उक्त समारोह रोकेको थियो ।भारत प्रशासित कश्मीरमा अप्रिल २२ मा पर्यटकमाथि भएको आक्रमणबाट सुरु भएको लडाइँमा कम्तीमा ६० जनाको मृत्यु भएको थियो । पर्यटकमाथि भएको आक्रमणलाई नयाँदिल्लीले इस्लामाबादले समर्थन गरेको आरोप लगाएको थियो । पाकिस्तानले उक्त आरोपलाई अस्वीकार गरेको थियो ।

भारतको सीमा सुरक्षा बलले मंगलबार मिडियाका लागि र बुधबार उत्तरी राज्य पञ्जाबको अटारी–वाघा भूमि सीमामा आमजनताका लागि सूर्यास्त समारोह खुला हुने बताएको छ ।पाकिस्तानले आफूले कहिल्यै समारोह नरोकेको र आफ्ना सैनिकहरू सीमाको आफ्नो तर्फ एक्लै मार्च गरिरहेको बताएको छ ।

वर्षौंदेखि अटारी–वाघा सीमामा हुने समारोह लोकप्रिय पर्यटकीय आकर्षण बन्दै आएको छ ।दुवैतर्फका अवलोकनकर्ताहरू हाँस–पाइला चाल्दै छाती फुलाउने नाटकीय प्रदर्शनमा सैनिकहरूलाई प्रोत्साहन दिन आउँछन् ।

यो सीमा सन् १९४७ मा ब्रिटिस शासनको हिंसात्मक अन्त्यमा औपनिवेशिक सिर्जना थियो । जसले उपमहाद्वीपलाई हिन्दू–बहुल भारत र मुस्लिम–बहुल पाकिस्तानमा विभाजित गरेको थियो ।दैनिक सीमा अनुष्ठान दशकौँदेखि कायम छ । असंख्य कूटनीतिक उथलपुथल र सैन्य झडपहरूबाट पनि बच्दै आएको छ ।