स्थानीय तहको निर्वाचनलाई केन्द्रमा राखेर वितरणमुखी बजेट ल्याइयो – नेता पुन

१५ जेठ काठमाडौं । नेकपाका सांसद वर्षमान पुनले बजेट आकारमा निक्कै ठुलो भएको बताएका छन्।सरकारले बजेट सार्वजनिक गरेपछि सञ्चारकमीहरुसँग कुरा गर्दै बजेट मिश्रित खालको आएको प्रतिक्रिया दिए।

पूर्वअर्थमन्त्री समेत रहेका पुनले भने, ‘यो बजेट निकै ठुलो देखियो, वास्तविक देखिएन। योजना आयोगले तोकेको सिलिङ २० खर्ब वरिपरि थियो। त्यसमा डेढ खर्बभन्दा बढी बढाइएको छ।’

सरकारले स्थानीय तहको निर्वाचनलाई केन्द्रमा राखेर वितरणमुखी बजेट ल्याएका आशंका व्यक्त गरे। कृषि क्षेत्रमा सुधार, युवा स्वरोजगारलगायतको उलेख्य कार्यक्रम ल्याउन नसकेको बताए।