नेपालको भेलामा गए कारबाही गरिन्छ – प्रधानमन्त्री ओली

३ चैत काठमाडौं । प्रधानमन्त्री केपी शर्मा ओलीले पार्टीको नाममा माधव नेपाल पक्षले छुट्टै गुटको भेला गरे कारबाही गर्न सक्ने चेतावनी दिएका छन् ।

उनले भने, ‘अचाक्ली भयो, पार्टीलाई पार्टीको रुपमा चल्न नदिने, जहिलेपनि भाँडभैलो मच्चाउने,अब यो कुरा हुन सक्दैन । पार्टीमा हामी सबैले बिचारमा एकजुट भएर विधि पद्धतिमा रहेर काम गर्नुपर्छ ।

अब अनुसाशनहीन काम भयो भने पार्टीको विधान छ, कानुन छ, संविधान छ, संसद नियमावली छ, दलसम्बन्धी कानुन छ, यी सबैतिर म ध्यानाकर्षण गराउन चाहन्छु ।’