नेपाललाई विश्वकप जिताउन मन छ – क्रिकेटर शेर मल्ल

६ पुस काठमाडौं । क्रिकेटर शेर मल्लले राष्ट्रिय टिममा सहभागी हुँदै नेपाललाई विश्वकप जिताउन मन लागेको बताएका छन् ।एनपीएल दोस्रो सिजनमा लुम्बिनीलाई उपाधि जिताउन उत्कृष्ट प्रदर्शन गरेका मल्लले विश्वकप उपाधि जित्ने सपना पूरा गर्न मिहिनेत जारी राख्ने बताए ।बोलन्या थली धनगढीले शनिबार आयोजना गरेको एक कार्यक्रममा मल्लले खेलमा निखार ल्याउन आगामी दिनमा अझै मिहिनेत गर्ने बताए ।राष्ट्रिय टिममा छनोटमा पर्ने/नपर्ने कुरा आफ्नो हातमा नरहेको बताउँदै उनले भने, ‘म त जहिले पनि पोजेटिभ नै सोच्छु, जे कुरा पनि मेरो लागि पोजेटिभ नै हुन्छ भनेर ।’

‘नेशनल टिमका लागि खेल्न पाउँदा प्राउड फिल हुन्छ । वर्ल्डकप खेल्ने सपना हुन्छ सबैजनाको,’ उनले अगाडि भने, ‘आगामी दिनमा के गर्ने भनेर मेरो फोकस जहिले पनि त्यसमा नै हुन्छ । हुन त सेलेक्सनको पार्ट मेरो हातमा छैन । तर जे हुन्छ राम्रोका लागि हुन्छ ।’उनले एनपीएलको दोस्रो सिजन पहिलो सिजनको भन्दा राम्रो भएको बताउँदै आगामी सिजन झन् राम्रो हुने विश्वास व्यक्त गरे ।एनपीएलको दोस्रो सिजनमा मल्लले १७ विकेट लिएका थिए ।