नेपाल इन्भेस्टमेन्ट मेगा बैंकले ५.१३ प्रतिशत ब्याजमै गाडी कर्जा दिने

९ भदौ काठमाडौं । नेपाल इन्भेस्टमेन्ट मेगा बैंकले नयाँ सवारीसाधन खरिद गर्न चाहने ग्राहकलाई लक्षित गरी वार्षिक ५.१३ प्रतिशत ब्याजदरको आकर्षक गाडी कर्जा योजना सार्वजनिक गरेको छ ।

ग्राहकको सवारीसाधन खरिदलाई सहज, सरल र छिटो बनाउने उद्देश्यले ल्याइएको यस योजनामा प्रोसेसिङ शुल्क ०.५ प्रतिशत मात्र कायम गरिएको बैंकले जनाएको छ ।

यस योजना अन्तर्गत आवश्यक कागजात तथा कर्जा प्रक्रियासम्बन्धी सम्पूर्ण आवश्यकताहरु पूरा भएको अवस्थामा ३ कार्यदिन भित्रै कर्जा प्रवाह गरिने व्यवस्था गरिएको छ’ बैंकले भनेको छ ।

यसले नयाँ सवारीसाधन खरिद गर्न चाहने ग्राहकलाई प्रतिस्पर्धी ब्याजदर, न्यून प्रोसेसिङ शुल्क तथा सरल, सहज र शीघ्र कर्जा प्रवाहको सुविधा प्रदान हुने बैंकको भनाइ छ ।सीमित समयका लागि मात्र लागु रहने यस विशेष सुविधा बैंकको देशभरका शाखाहरूबाट लिन सकिनेछ ।