सुनको मूल्यमा भारी गिरावट

२४ भाद्र काठमाडौं । नेपाली बजारमा बुधबार सुनको भाउमा भारी गिरावट आएको छ।  नेपाली सुनचाँदी व्यवसायी महासंघका अनुसार आज सुनको भाउ तोलामा ३ हजार रुपैयाँले घटेको हो। योसँगै प्रतितोला सुन ३ लाख २ हजार ४०० रुपैयाँ कायम भएको छ। हिजो सुन प्रतितोला ३ लाख ५ हजार ४०० रुपैयाँमा कारोबार भएको थियो।

आज चाँदीको भाउ पनि तोलामा ४० रुपैयाँले घटेर ४ हजार ७५० रुपैयाँ कायम भएको छ। हिजो चाँदी ४ हजार ७९० रुपैयाँमा किनबेच भएको थियो।