बुढीगण्डकी बाढीले मुग्लिङसम्म उच्च जोखिम

२५ असोज काठमाडौँ । बाढी पूर्वानुमान महाशाखाले बुढीगण्डकी नदीमा बाढी खतरा तहभन्दा माथि रहेको र बढ्ने–घट्ने क्रम जारी रहेकाले चितवन र नवलपरासी आसपासका स्थानीयलाई समेत सतर्क रहन आग्रह गरेको छ ।

महाशाखाले सूचना जारी गर्दै त्रिसुली नदीको बेनिघाटसम्म अति उच्च जोखिम रहने हुनाले उच्च स्थानमा जान आग्रह गरिएको छ भने मुगलिनसम्म उच्च जोखिम देखिएकाले उच्च सतर्कता अपनाउन आग्रह गरिएको छ ।

यस्तै, चितवन र नवलपरासी नदी आसपासमा पनि मध्यम जोखिम हुने भएकाले सतर्क रहन आग्रह गरिएको छ ।