यी नेताहरू माओवादीबाट मन्त्री बन्दै ! (हेर्नुहोस नामावली)
८ असोज काठमाडौं । नेकपा माओवादी केन्द्रका अध्यक्ष पुष्पकमल दाहाल प्रचण्डको तनाव लगभग हटेको छ । माओवादीले प्रधानमन्त्री शेरबहादुर देउवा नेतृत्वको सरकारमा पठाउने मन्त्रीको नाम टुंगो लगाउने अन्तिम तयारी गरिरहेको हो ।
माओवादी स्रोतका अनुसार माओवादी केन्द्रका अध्यक्ष पुष्पकमल दाहाल ‘प्रचण्ड’ले सरकारमा पठाउने नयाँ मन्त्रीको नामबारे निकट नेतासँग छलफल गर्दैछन् ।
सत्तारुढ गठबन्धनले दल सम्बन्धी अध्यादेशलाई निष्क्रिय बनाउन बिहीवार बस्ने प्रतिनिधि सभाको बैठकमा प्रतिस्थापन विधेयक ल्याउने तयारी गरेको स्रोतले जनाएको छ ।
माओवादी केन्द्रले ६ मन्त्री र १ राज्यमन्त्री पाउने देखिएको छ । जसमध्ये माओवादीबाट अहिले अर्थमन्त्री जनार्दन शर्मा र उर्जा, जलस्रोत तथा सिँचाइमन्त्री पम्फा भुसाल रहेका छन् ।
माओवादी स्रोतले दिएको जानकारीअनुसार नेताहरू नारायणकाजी श्रेष्ठ, हरिबोल गजुरेल, देवेन्द्र पौडेल, महेश्वर गहतराज, हरि चौधरी, सुदन किराती, अमनलाल मोदी र शशी श्रेष्ठमध्येबाट ३ जना मन्त्री र १ राज्यमन्त्री बन्नेछन् । यीमध्ये कसलाई सरकारमा पठाउने भन्नेबारे अन्तिम निर्णय अध्यक्ष प्रचण्डले गर्ने स्रोतले जनाएको छ ।
