यस विषयमा अध्यक्ष ओली र नेता रावलबीच भनाभन भएपछि…

१२ कात्तिक काठमाडौं । आज नेकपा एमालेका अध्यक्ष केपी शर्मा ओली र उपाध्यक्ष भीम रावलबीच शुक्रबारको केन्द्रीय कमिटी बैठकमा भनाभन भएको छ । १० बुँदे सहमतिको प्रसंगमा ओली र रावलबीच भनाभन भएको एक केन्द्रीय सदस्यले बताए ।

रावलले १० बुँदेका विषयमा आफ्ना कुरा राखेपछि ओलीले कार्यदलबाट नसकेर राजीनामा दिएको आरोप लगाएका थिए । ओलीले कार्यदल भङ्ग भएको घोषणा गरेको ती सदस्यले बताए ।

रावलले ओलीलाई बोल्दा बोल्दाबोल्दै आफूले नसकेर राजीनामा नदिएको भन्दै जवाफ दिए । उनले अझै बोल्न खोजेपछि अरू नेताहरूले अध्यक्षलाई बोल्न दिन आग्रह गरेका थिए । १० बुँदे सहमति कार्यान्वयन कार्यदलका संयोजक रहेका रावलले केही दिनअघि राजीनामा दिएका थिए ।