अहिले आफूलाई रेणुको बुवा प्रचण्ड भनिन्छ – अध्यक्ष प्रचण्ड
Capital Headline
प्रकाशित मिति :
बुधबार, चैत्र २३ २०७८
4.8K
SHARES
२३ चैत काठमाडौं। नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ले भरतपुर महानगरपालिकाकी मेयर रेणु दाहालको परिचय फेरिएको बताएका छन् । बुधबार चितवनको भरतपुर महानगरपालिकामा आयोजित भूमिहीन दलितहरूलाई लालपुर्जा वितरण कार्यक्रममा उनले ०७४ को स्थानीय तह निर्वाचनमा रेणुको परिचय आफ्नो छोरीका रूपमा रहेको र अहिले आफूलाई ‘रेणुको बुवा’ भन्ने गरेको भन्दै खुसी व्यक्त गरे ।
“पहिले निर्वााचनमा रेणु यहाँ आउदा सबैले प्रचण्डको छोरी भन्ने गर्थे । यद्यपि, रेणुको आफ्नै त्याग, तपस्या थियो । रोल्पा, रुकुमजस्ता जिल्लादेखि भूमिगत रूपले जनयुद्धकालमा प्रवासका सहरमा काम गरेको उनको आफ्नै अनुभव थियो,” उनले भने, “तर, ०७४ को निर्वाचनमा आउँदा उनको परिचय प्रचण्डको छोरी भन्ने थियो । मलाई अहिले खुसी छ । अहिले आउँदा प्रचण्डकी छोरी होइन, रेणुको बुवा प्रचण्ड भएको छ ।”
प्रचण्डले महिलाले धेरै गर्न सक्छन् भन्ने देखिएको समेत बताए । उनले भूमि व्यवस्था, सहकारी तथा गरिबी निवारणमन्त्री शशी श्रेष्ठ र ऊर्जा, जलस्रोत तथा सिँचाइमन्त्री पम्फा भुसालको कामको पनि प्रशंसा गरे । अबको निर्वाचनमा महिलालाई धेरै ठाउँमा पालिका प्रमुख र मेयर बनाउने विचार रहेको उनले सुनाए । महिलाले काम गर्दा जालझेल, षड्यन्त्र कम हुने रहेछ भन्ने देखिएको उनको भनाइ छ ।
प्रतिकृया दिनुहोस
सम्बन्धित समाचार
चर्चित
ताजा अपडेट
