अत्याधुनिक प्रविधिमा आधारित MBL M- Smart माछापुच्छ्रे बैंकले ल्यायो
२८ चैत काठमाडौं । बैंकिङ्ग क्षेत्रमा नयाँ स्मार्ट सुविधाहरुसहित विभिन्न ट्रेण्ड सेट गर्दै आएका माछापुच्छ्रे बैंकले अत्याधुनिक प्रविधिमा आधारित mobile banking App, MBLM-Smart को सुरुवात गरेको छ । यस अघि Machhapuchchhre Mobile Money (M3) को रुपमा संचालनमा रहेका मोवाईल बैंकिङ्ग एपलाई बैंकले OMNI च्यानलमा आधारित अपरिस्कृत र परिमार्जित गरी MBLM-Smart को रुपमा शुभारम्भ गरेको हो ।
नयाँ सुविधासहित शुभारम्भ गरिएको MBL M–Smart app मा आफैले पासवर्ड रिसेट गर्न मिल्ने, नयाँ Self-Registration गर्न सकिने मोवाईलबाटै खाता खोल्न सकिने, मोवाईल फोनबाट नै लोन लिन सकिने, आफ्नो क्रेडिट कार्डको स्टेटमेन्ट मोवाईलमा नै हेर्न सकिने, नेपालक्युआर scan गरी QR भुक्तानी गर्न मिल्ने, विभिन्न मोवाईल वालेटहरुमा खातालिंकगर्न सकिने, बत्ति पानीको बिल, फन्ड ट्रान्सफर, सरकारी कारोबारको भुक्तानी लगायतका सुविधा रहेको बैंकले जनाएको छ । बैंकले MBL M–Smart लाई भर्चुअल शाखाको रुपमा स्थापित गर्दै ग्राहकहरुलाई प्रत्यक्ष रुपमा बैंकमा आउने झन्झट नरहोस् भन्ने लक्ष्यका साथ उक्त एप संचालनमा ल्याएको जनाएको छ ।
