काठमाडौं उपत्यकामा थप १७ जनामा कोरोना संक्रण

३ असार काठमाडौं । पछिल्लो चौबिस घण्टामा काठमाडौंमा १७ जना कोभिड १९ संक्रमित थपिएका छन् । उपत्यकाका तीनजिल्लामध्ये आज काठमाडौंमा १३ र ललितपुरमा ४ जना संक्रमित थपिएका हुन् ।

योसँगै काठमाडौं उपत्यकामा सक्रिय संक्रमितको संख्या ४२ पुगेको छ । आजसम्म ४० जिल्लामा सक्रिय संक्रमितको संख्या शून्य छ ।

आज देशभर रहेका १०४ जना सक्रिय संक्रमितमध्ये १०२ जना होम आइसोलेसनमा र २ आईसीयूमा रहेको स्वास्थ्य तथा जनसंख्या मन्त्रालयले जनाएको छ ।