त्रिशूलीमा खसे मोटरसाइकल चालक

२ फागुन काठमाडौं । चितवनको मुग्लिन–नारायणगढ सडकखण्डबाट एक मोटरसाइकल चालक त्रिशूली नदीमा खसेका छन् । इच्छाकामना गाउँपालिका–५, कालीखोलास्थित डिभाइडरमा मोटरसाइकल ठोक्किँदा चालक त्रिशूलीमा खसेका हुन् ।

नारायणगढबाट मुग्लिनतर्फ आउँदै गरेको वाग्मती प्रदेश ०६–०२प९२०४ नम्बरको मोटरसाइकल शुक्रबार (फागुन २) दिउँसो डिभाइडरमा ठोक्किएको राजमार्ग सुरक्षा तथा ट्राफिक व्यवस्थापन कार्यालय रामनगरका एसपी नरेशराज सुवेदीले जानकारी दिए ।