घट्यो सुनको भाउ

१४ जेठ काठमाडौं । नेपाली बजारमा आज सुनको भाउ घटेको छ। नेपाल सुनचाँदी व्यवसायी महासंघका अनुसार आज सुनको भाउ तोलामा १६ सय रुपैयाँले घटेको हो। योसँगै प्रतितोला छापावाल सुन १ लाख ८९ हजार ३ सय रुपैयाँ कायम भएको छ। हिजो सुनको भाउ तोलामा १ लाख ९० हजार ९ सय रुपैयाँमा कारोबार भएको थियो।

चाँदीको भाउ भने १० रुपैयाँले बढेको छ । आज चाँदी तोलाको २ हजार ५ रुपैयाँमा कायम भएको छ । हिजो चाँदी तोलाको १९ सय ९५ रुपैयाँमा कारोबार भएको थियो।