चीनबाट आएको खोप यस्ता नागरिकले पनि पाउने

१९ जेठ काठमाडौं । अब चीनबाट ल्याइएको भेरोसेल खोप चीनसँग सीमाना जोडिएका १८ वर्ष माथिका नागरिकलाई पनि दिइने भएको छ ।  जेठ २५ गतेदेखि दिन लागिएको भेरोसेल खोप ६० देखि ६४ वर्षका नागरिकसँगै चीनसँग जोडिएका नागरिकलाई पनि दिने निर्णय गरिएको स्वास्थ्य तथा जनसंख्या मन्त्रालयका प्रवक्ता डा. कृष्णप्रसाद पौडेलले बताए ।

खोप वितरणका लागि भोलिदेखि प्रदेशस्थित आपूर्ति केन्द्रमा पठाइने भएको छ । जनस्वास्थ्यका मापदण्ड अपनाएर खोप दिन चाँडै खोप तालिका सार्वजनिक गरिने मन्त्रालयले जनाएको छ  ।