नेताहरूको अध्यक्ष ओलीलाई सुझाव – नेपाललाई हेलो गर्नुस्, भेटौँ भन्नुस्

२८ असार काठमाडौं । नेकपा (एमाले)का नेता सुवास नेम्वाङले पार्टी अध्यक्ष तथा प्रधानमन्त्री केपी शर्मा ओली र नेता माधवकुमार नेपालबीच भेट हुन सक्ने सम्भावना रहेको बताएका छन् ।

उनले हिजो राति कार्यदलको १० बुँदे सहमतिपश्चात् बालुवाटार पुगेर आफूहरुले नेपालसँग भेट गर्नका लागि आग्रह गरेको बताए ।

माधव नेपाललाई हेलो गर्नुस् । फोन गर्नुस्, भेटौँ भन्नुस् भनेका छौँ । उहाँले ठिक हो, भोलि बिहान (८–१२ बजेसम्म) गर्छु भन्नुभएको थियो । त्यसपछि के गर्नुभयो, सम्भवतः आज भेट हुनसक्छ” नेम्वाङले भने ।

आज साँझ ५ बजेका लागि स्थायी कमिटी बैठक बोलाइएको छ । बैठक त्यसअघि नै पनि बस्न सक्ने उनले बताए । बैठकबाट एमाले कार्यदलको १० बुँदे प्रस्ताव पारित गर्ने तयारी रहेको नेताहरुले बताएका छन् ।