नेपाल राष्ट्र बैङ्कको प्रवक्तामा किरण पण्डित नियुक्त

२१ जेठ काठमाडौँ । नेपाल राष्ट्र बैङ्कको प्रवक्तामा किरण पण्डित नियुक्त भएका छन् । गभर्नर डा. विश्व पौडेलले पण्डितलाई जेठ २१ गतेदेखि लागु हुने गरी प्रवक्ताको जिम्मेवारी तोकेका हुन् ।

उनी भुक्तानी प्रणाली विभागका कार्यकारी निर्देशक हुन् । २०६२ सालमा नेपाल राष्ट्र बैङ्कमा सेवा प्रवेश गरेका पण्डित यसअघि नियमन विभाग, वित्तीय समावेशिता तथा ग्राहक संरक्षण महाशाखा लगायतमा कार्यरत थिए ।