हिमालयन एभरेष्ट इन्स्योरेन्सको ६७ हजारभन्दा बढी कित्ता संस्थापक शेयर बिक्रीमा

७ भदौ काठमाडौं । हिमालयन एभरेष्ट इन्स्योरेन्स लिमिटेडले ६७ हजार ४८१ कित्ता संस्थापक शेयर बिक्रीमा ल्याएको छ । कम्पनीले प्रतिकित्ता २०० रूपैयाँ अंकित मूल्यमा उक्त शेयर बिक्रीमा ल्याएको हो ।

यो शेयर खरीदका लागि विद्यमान संस्थापक शेयरधनीहरूले मात्र आवेदन पेश गर्नसक्नेछन् । तोकिएको मूल्य वा सोभन्दा बढी मूल्य अंकित गरी आगामी ३५ दिनभित्र आवेदन पेश गर्नुपर्नेछ ।  आवेदन कम्पनीको केन्द्रिय कार्यालय थापागाउँ, काडमाडौंको शेयर विभागमा पेश गर्नुपर्ने जानकारी कम्पनीले दिएको छ ।